miðvikudagur, desember 05, 2007

Jólaflöff

Foreldraeiningin kíkti í heimsókn áðan til að hengja upp jólaljós í gluggana mína. Þau tóku með sér aðventuljósið með plastblómunum sem er búið að lýsa inn aðventuna síðan ég man eftir mér, og það situr núna í miðjum stofuglugganum mínum. Mömmu finnst það ferlega ljótt og segist vera fegin að losna við það úr húsinu sínu, en mér gæti ekki þótt vænna um það. Fór á kaffihús áðan og þegar ég slökkti loftljósin á leiðinni út var birtan af aðventuljósinu og jólastjörnunni í eldhúsglugganum var svo falleg að ég varð öll flöffí að innan.
Varasöm þessi jól. Gera mann allan meyran.

2 ummæli:

Nafnlaus sagði...

Hehe... einhverra hluta vegna minnist ég þess að síðan þú komst frá Frakklandi þá sé nú meira sem geri þig meyra... finnst eins og ég hafi lesið þá hlið á þér á blogginu eða bara í spjalli.
En það er fallegt :)
og flöffí að innan hljómar krúttlega. Hlakka til að sjá þig bráðum. - Ingunn

Unnur sagði...

Haha, það er sennilega rétt hjá þér Ingunn, er orðinn algjör sykurpúði. Hið versta mál :)
Kaffi ljúfust!